Говор на омраза на објава од „Сител ТВ“ во однос на отварањето на „Скопје Прајд“ - Штип

Опис

На фејсбук профилот „Сител ТВ“, е објавена вест во која се известува за претстојната Парада на гордоста која ќе се одржи на 26.06.2021 година во Скопје и за која се информира дека ќе биде отворена од нашиот претставник на Евровизија, Васил Гарванлиев. Во секцијата за коментари има повеќе од 350 реакции во врска со веста од луѓе ширум целата држава. Дел од нив, поточно два коментари се и од локални, штипски корисници кои користат говор на омраза директно насочен кон припадниците на ЛГБТ+ заедницата, како и кон сите нивни подржувачи. Говорот на омраза е проследен и со повици за насилство, во целост ставајќи ја во прашање безбедноста на учесниците на парадата на денот на парадата, но и понатаму во секојдневието воопшто. Не само од овие локални, штипски жители, туку и скоро од сите коментари кои се оставени под видеото забележуваме говор на омраза од најлош тип, проследен со чисти повици на насилство и закани, како што се:„педери“, „педеришта“, „ненормални“, „изопачени“, „хиени“, „изроди“, „куршум во тил“, „створења создадени од ѓаволот“, „Само за овие концентрационен логор живи да горат“.